« عبد السلام السعيداني: « عجز النادي الرياضي البنزرتي بلغ 8 مليارات

أبرز ما جاء في الندوة الصحفية

:عبد السلام السعيداني

 عجز النادي الرياضي البنزرتي بلغ 8 مليارات
الفريق ممنوع من الإنتدابات بسبب 35 ألف أورو للحسن سو و 9 ألاف أورو لنادي جاك مدينا( منحة تكوين
فتح حساب تبرع للفريق عن طريق Socios و يتكفل بيه السيد سمير يعقوب و المبلغ المطلوب هو 150 مليون شهريا رواتب لاعبين بش يتم مد هيئة سوسيوس برواتب اللاعبين و Les états de Salaires و سوسيوس تخلصهم لأنو هاو قالو الجمهور معندوش ثقة فينا
الجمعية مستحقة الجمهور كيما ستحقينالو قبل و وقف معانا ، أنا صرفت 900 مليون لحد الأن و اليوم زدت 245 مليون و السيد هشام العلوش أمين مال عاطي شيكات ب 300 مليون
بالنسبة للمدرب قال نشكر سي محمد عزيز كانت المفاهمة معاه على زوز مقابلات فقط و نشوفو هو كان قد المسؤولية و خدم خدمة باهية و ورى حماس كبير أما أنا محافظة عليه و خوف عليه و خاصة في الوقت هذا منجمش ناخو الريسك خيرت نستغنى عليه و نوعدو في فرصة أخرى و ظروف ما خير نعطيه Chance متاعو أما توا الريسك لا
فما مدربين ولاد جمعية عطيتهم الفرصة كانو يحلمو بش يشدو CAB كي خرجو ولاو يسبو فيا

:اسكندر القوصري

نعتذر على كلمة السي يا بي بلاش روح أما أنا قلتها في سياق المقابلة كي ريت أغلاط ساذجة
نحب نلعب في المنزه و إلا زويتن و إلا رادس خاطر CAB فريق متع Gazon و ميساعدناش اللعب في Synthétique و أحنا كل مرة من بلاصة لبلاصة
عقدي مع الفريق حتى لنهاية الموسم و قابل للتجديد
عنا 5 مقابلات مهمة و لازمنا نربحوهم الكل